تبلیغات اینترنتیclose
صفوة الصفا - شیخ صفی الدین اردبیلی- دؤردونجو بؤلوم
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : صفوة الصفا, | بازدید : 657

فايده- [14/1]

سؤال ائتديلر شيخ حضرتلرينه بو آيتدن كي:

«ثُمَّ اَنشَأنا خَلقاً آخر».[1]

«خلق آخر»دن موراد نه نسنه‌دير. اگر جسم ايسه، پس اطوار خلق انساني ائتدوگيندن، بو اوّل گرك ايدي. يعني حق تعالي، بو آيتدن دئدوگينده كي:

« وَ لَقد خَلَقنا الاِنسانَ مِن سُلالَة مِن طينٍ ثُمَّ جَعلناهُ نُطفَةً في قَرار مكين ثُمَّ خَلَقنا النُّطفةَ عَلَقةَ فَخَلَقنا العَلَقةَ مُضغةَ فخَلَقنا المُضغةَ عِظاماً فَكَسونا العِظام لَحما».[2]

پس اطوار خلقت تمام اولدوغوندان سونرا، بويوردو كي :«ثُمَّ اَنشَأناهُ خَلقاً آخر».[3]

پس معلوم اولدو كي «خلق آخر»دن موراد، جسم دگيلميش و روح، خود دگيل. زيرا كي حديث ايله ثابتدير كي الله تعالي ارواحي اجساددان دؤردمين ايل اؤندن ياراتدي. و حديث بودور كي:

«اِنَّ الله خَلَقَ اللهُ الارواحَ قبلَ الاجسادِ بِاَربعةِ الافِ سنَةٍ.»

بو حديثدن معلوم اولدو كي «خلقِ آخر»دن موراد، روح دگيلميش. پس خلق آخر نه‌دير؟» دئديلر.

شيخ - قدّس سرّه - جواب بويوردو كي خلق آخردن موراد، مشايخ اصطلاحينجا صيفتدير، ساير خلاييقين اصطلاحينجا «روح حيواني» دير كي روح ايله جيسمين ازدواجيندان متولد اولموشدور. نه محضاً لحم‌دير و نه محضاً استخوان‌دير.  روح ايله بدنين اورتاسيندا متوسط دير و ترجماندير، شوندان اؤترو كي روح علميندن جاهيلدير. زيرا كي ايكيسي بير - بيري‌نين جينسيندن دگيلدير.

پس ايكيسي‌نين اورتاسيندا لابد اولدو بير واسطه‌دن كي بونلارين جينسيندن اولا. داخي بونلارين علمين بيله. اول واسطه، بو آرادا روح حيواني دير كيم هم بدن علميندن يعني بدن حالينا واقيفدير[4] و هم روح حالينا. و بونلارين علمي‌نين كثرتي واسطه‌سيله قسم اولور كي:

«و لا اُقُسمُ بِالنَّفسِ اللَّوّامة».[5]

بئيت:

پرتو حسن تو در آئينه چون پيدا شد،

عكس آيينه همه جان جهان آرا شد.

 

معناسي بودور كي سنين حُسنون پرتويي چونكي آيينه‌ده ظاهير اولدو، اول آيينه‌نين عكسي، جميع ارواحا جهان‌آرا اولدو. يعني جهان بزه‌ييجي اولدو. و آيينه‌دن موراد، كؤنولدور. چونكي كؤنولده، محبوبون صورتي‌نين پرتوي ظاهير اولا، آنين عكسيندن لاجرم احوال مغيبات ملكوت حاصيل اولور كي جهان آرا دئدوگي اولدور.

و گئنه بو محلّده شيخ حضرتينه سؤال ائتديلر كي:«نفس أوچدور، بيريسي غايت علويده‌دير، و بيريسي غايت دنائتده و بيريسي بو ايكي‌سي‌نين اورتاسيندا، ترجمان و متوسط دور. سبب نه‌دير، اول نفس كي غايت عُلويده ايدي و اول نفس كي غايت سُفليده ايدي مقسم به اولان آنلار اولماديلار و متوسط اولان نفس اولدو مقسم به.» دئديلر.

شيخ - قدّس سرّه - جواب بويوردو كي:«نفس متوسط مقسم به اولدو كي علمين شرفي واردير، زيرا كي اول ايكي نفسين علمينه بو عاليمدير. اما، اول ايكي‌دن هر بيريسي آنجاغ[6] كندو علمين بيلورلر ايدي. غيريسي‌نين بيلمز ايدي. اول جهتدن مقسم به اولان متوسط اولدو، نفس عالي و نفس داني اولمادي.

و بو محلّده شيخ - قدّس سرّه - بير مثل بويوردو. اسكندر ذوالقرنين حكايه‌سين مثل گتوروب اشتهار ائتدي بويوردو كي:«اسكندر سياحت ائدركن بيرگون مشرق طرفيندن بير دنيز كنارينا گلدي و اسكندرله مبالغه لشكروار ايدي و دؤرت يوز حكيم بئله يانيندا ايدي ديله‌دي كي دنيزين اول طرفيندن خبر بيله.»

بيرگمي راست تدبير و ترتيب ائتديلر و اول گمي‌نين ايچينه آدم قويدولار و دنيز يوزونه گؤندرديلر تا اول طرفدن خبر بيله‌لر و اول دنيزين ميقدارين بيله‌لر.

بير نئچه مدت گئتديكدن سونرا، گؤردولر گلور. بونلار داخي اول گمي‌نين يانينا وارديلار و خبر سوردولار و بير- بيري‌نين ديللرين آنلاماديلار و اول گميني آليب اسكندر قاتينا گؤتوردولر.

اسكندر، چون اول قوومي گؤردو، و خبر سوردو. هئچ وجهله ‌نه آنلار بونلارين و نه بونلار آنلارين ديللرين آنلاديلار. و اول دؤرت يوز حكيم كي اسكندرله مصاحيبلر ايديلر، جميع لفظي و لغتي بيلورلر ايدي. اما آنلارين لغتين فهم ائده‌مه ديلر. آخر، اتفاق شويله ائتديلر كي آنلارين بيريسينه بير عورت وئره‌لر. بونلاردان يا كي اول عورتدن اوغلان دوغا، داخي آتاسي‌نين و آناسي‌نين ديللرين اؤگرنه، و بونلارا اول گمي خلقي‌نين احوالـ[يني] دئيه. يعني بونلار و اونلار اورتاسيندا متوسط و ترجمان اولا.

پس اونلارين بيريسينه بير عورت وئرديلر و آندان بير اوغلان دوغدو.

و اول اوغلان، آتاسي‌نين و آناسي‌نين ديللرين اؤگرندي و بونلارين خبرين وئردي آنلارين احوالين دئمكده متوسط اولوب تقرير ائتدي كي اول دنيز طرفينده بير مملكت وار ايميش غايت بؤيوك و گئنيك.[7]

و آنين بير پادشاهي وار ايميش جميع دونيادا نه قده‌ر مملكت وار ايسه ضبط ائلمك ايسته‌ميش و بو گميني گؤندرميش كي:«وارين، اول دنيز طرفينده گؤرون نه عالم واردير؟ داخي اقليم وارميدير دونيادا كي من آني داخي دوتماميشام؟ و اگر داخي مملكت واريسه، گلين منه خبر وئرين تا كي واروب آني داخي ضبط ائدم.»

و بو وجهيله تقرير ائتدي و بونلار داخي كيفيتي بيلديلر كي نه ايميش و حال بودور كي اسكندرين آندا واردوغيندان غرض بو ايدي كي جميع آفاقي خود دوتدوم، بو دنيز طرفينده داخي مملكت واريسه دوتارام دئيو[8] وارميشدي.

چون اسكندر بو خبري ائشيتدي عنان عزيمت گئرو چكدي و لشكرينه بويوردو اول يئردن مراجعت ائتدي، يعني گئرو دؤندو. اسكندر انصافا گلدي، قصد ائتدي كي كندو الينده كي مملكت ايله قناعت ائده.»

شيخ صفي - قدّس سرّه - بو حكايتي گتوردوگينه موراد بو ايدي كي چونكي روح عالم علويدن ايدي كي صورت سببيله متجلي ايدي و جسم عالم سفليدن ايدي كي آثار شواغل اول عالم غيبدن آندا چوخ اولموشدو. يعني دار دونيادا صفات ذميمه نفسانيله متّصف اولموشدو، و بونلارين اورتاسيندا هئچ وجهله مناسبت يوغدو، بلكه تباين كلي وار ايدي. زيرا كي روح غايت صفادا ايدي و جسم غايت كدرده ايدي. پس حق سبحانه و تعالي روح ايله جيسمين اورتاسيندا ازدواج و امتزاج قويدو تا كي ازدواجدن نفس حيواني حاصيل اولا و روحون عالمينه نسبتي واردير كي عالم عُلويدير. و بدن عالمينه نسبتي واردير كي عالم سُفليدير و ايكيسي‌نين علمينه واقيفدير. پس، بو ايكي طَرَفه متعلق اولان علمين شرفي واسطه‌سيله، محل قسم و مقسم به اولدو تا كي يوخاريدا ذكر اولوندو. والله اعلم!

 

فايده- [15/1]

سؤال ائتديلر شيخ حضرتينه - قدّس سرّه - بو آيتدن كي:

«الَّذِينَ يَذْكُرُونَ اللّهَ قِيَامًا وَقُعُودًا وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ»[9]

يعني ذكر فاضيلتردير يا فكر؟

شيخ صفي - قدّس سرّه - جواب بويوردو كي ذكر ائتمك افضلدير به هر حال فكردن كي گؤرونميه، يعني ثوابا اقرب اولان شول فكردير كي كؤنول بصيرتله اولا و تفكر ائده. اشياي غايبه‌ني كؤنول گؤزيله گؤره و گؤرمك ذكر موقوفدور.  و فكري داخي خاليقه اولماز، مخلوقاتا اولور زيرا كي حق تعالي‌نين ذات مقدسي [نه] فكر ائتمك منهيدير.

ظاهير حديثده واردير: «تَفَكَّروا في خَلقِ الله و لا تتَفكَّروا في ذاتِ الله اَي صفاتِ الله» چون كي ذكر، اشتغال بالله اولا و فكر، اشتغال بغير الله اولا. پس ذكر، افضلدير فكردن.



[1] مؤمنون/ 14.

[2] مؤمنون/ 13- 14.

[3] مؤمنون/ 14.

[4] سنكر: غضروف.

[5] قيامت/ 2.

[6] آنجاق سؤزونون اردبيل لهجه‌سي.

[7] گئن+ ايك (گئنيك): گئنيش، وسيع.

[8] دئيو (وصفي وجه): چاغداش توركجه‌ميزده دئيه.

[9] آل عمران/ 191.

نویسنده : محمد 13 ارديبهشت 1392 ساعت : 15:36
صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی