تبلیغات اینترنتیclose
صفوة الصفا - شیخ صفی الدین اردبیلی- ایکینجی بؤلوم
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : صفوة الصفا, | بازدید : 655

فايده- [4/1]

سؤال ائتديلر شيخ حضرتينه اوشبو آيتدن كي:

«يا اَيَّتها النَّفس المُطمَئنةُ اِرجِعي الي ربّكِ راضيةً مرضيةً فَادخُلي في عِبادي و ادْخُلي جَنَّتي».[1]

شول جنت كي حق تعالي، يا مضاف اولموشدور، نه جنت دير. دئديلر.

شيخ - قدس سرّه- جواب بويوردو كي نفس مطمئنه‌نين ايكي صفاتي واردير، بيريسينه «صيفت راضيه» دئيرلر و بيريسينه «صيفت مرضيه» دئيرلر. و جنت داخي ايكي نوعدور: خاصدير و عامدير. جنت عام، اولدور كي آندا يئمك - ايچمك و شهوت وار اولا. اول، عام قوللار ايچوندور كي آنا مستحق اولدولار. اما جنت خاص، اولدور كي حق تعالي‌نين ذاتينا منسوبدور و «اُدخلي جنّتي» دئدوگي اولدور. اول، خاص قوللار ايچوندور. اول، لقادير، وصالدير، مشاهده‌دير. آنده‌ يئمك- ايچمك اولماز.

بئيت:

نِهاية آمالي لِقاؤُكَ جنَّة،

هنئاً لاَربابِ النَّعيم نعيمُها.

 

فايده- [5/1]

سؤال ائتديلر شيخ حضرتينه اوشبو آيتدن كي:

«اللَّهُ يَتَوَفَّى الْأَنفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُسَمًّى».[2]

يعني اول نفس كي حالت موتدا اولور، اول نئجه نفس دير؟ و اول نفس كي حالت موتدا اولماز، اول نئجه نفس دير؟ و اول نفس كي حالت منامده اولماز نئجه نفس دير ديلر؟

شيخ - قدّس سرّه- جواب بويوردو كي:

«اول كي حالت موتدا اولور، اول جسمدير و بدندير. و اول كي حالت موتدا اولماز، اول مطمئنه دير و لوّامه‌دير. و ساير خلايقين اصطلاحينجا، روح اولسايدي، ثواب ايله لذت اولمازدي.

و اول كي حالت منامدا اولماز، اول داخي هم جسمدير كي اول منامدا روح حيواني بدندن مفارقت ائدر، اما روح انساني مفارقت ائتمز بدندن حياتدا دير، اؤلمز. مادام كي آنين مطلوبي سير و سلوك اولور. اول سيردن آنين خطي واردير يئمكدن و ايچمكدن و شهوتدن و ملاحظه‌لردن و حالت يقظه‌ده يعني اوياقليخ حاليندا گئدير و گلور بدنه گيرور. اما، روح انساني حالت موتدان و بدندن مفارقت ائدر، گئدر، گلمز الا حشر وقتينده.

بئيت:

مرغ جهان‌ها راست پروازي به كوي شوق او،

ليك هر يك را مقام و آشياني ديگر است.

 

فايده- [6/1]

سؤال ائتديلر شيخ حضرتينه اوشبو آيتدن كي:

«و قُل ربِّ زِدني عِلماً».[3]

يعني حق تعالي، كلاميندا بويورور كي «وَلاَ رَطْبٍ وَلاَ يَابِسٍ إِلاَّ فِي كِتَابٍ مُّبِينٍ»[4] چون كي جميع رطب و يابس كي علمي قرآن مبين‌ده‌دير، پس اول علم كي حق تعالي‌نين زياده اولماسين حضرت رسول - صلي الله عليه و سلم- بيلديرميشدير، اول نه علمدير؟» دئديلر.

شيخ  - قدّس سرّه- جواب بويوردو كي:

اول علم رطب و يابس كي قرآندادير، اول، علم مكنوناتدير، يعني علم مخلوقاتدير يا تفصيل طريقيله و يا اجمال طريقيله. و هر نسنه كي ازلدن تا ابده دگين واردير، بودور كي قرآندا بيان اولموشدور.

اما اول علم كي «ربِّ زِدني عِلماً» ده مذكور دور، اول، علم الوهيّتدير. علمِ خالقدير، يعني تانري تعالي‌نين ذاتينا و صفاتينا علمدير كي آنين هئچ نهايتي يوخدور.

و اول علم، كي علمِ مكنوناتدير، بو علمين قاتيندا، شول بير قطره گيبي دير بحر محيطه نسبت.

بئيت:

زهي غواص دريايي كه در هر قطره‌اي از وي،

هزاران بحر بي‌پايان، بسان قطره‌اي، غرق است!

 

معناسي بودور كي زهي دنيزين غوّاصي كي هر قطره‌سينده مين- مين دنيزلر غرق اولور. سياق كلاميندا معلومدور كي اول نه دنيز [دير]. بورادا زياده تفصيله حاجت يوخدور.

 

فايده- [7/1]

سؤال ائتديلر شيخ حضرتلرينه اوشبو آيتدن كي:

«لِيَغفرَ لكَ الله ما تقدَّمَ‌ مِن ذَنبِكَ و ما تَأخَّر».[5]

چونكي حق تعالي، رسول حضرتي‌نين كئچميش گناهين و گلجك‌ گناهين عفو ائتدي، پس هر گون يئتميش كره استغفار نئچون ائدردي؟ شؤيله كي صحيح بخاري ده واردير:

«عَن الاَعَزّ المُزَني اِنَّ رسولَ الله، قالَ لَيُغانُ علي قَلبي و اِنّي لا يَستَغفِرُ الله و اَتوبُ اِلَيهِ اَكثر مِن سَبعين».

حديثين معناسي بودور كي رسول حضرتي بويورور كي منوم قلبيمه بير پرده گلور، من الله درگاهينا استغفار ائدرم يئتميش كره و يا خود داخي زياده. پس او استغفارينا گرك ايدي. دئديلر.

شيخ  - قدّس سرّه- جواب بويوردو كي رسول - صلّي الله عليه و اله و سلّم- استغفاري گناهيندان اؤترو ائتمزدي. بلكه آنين قلبينه بير وارداتدان فيض الهي يئتيشوردي. بير وجهيله كي اول گون يئتيشن فيض، سونراكي يئتيشنه حجاب اولوردو. چون مبارك نظريله نظر ائدردي گؤرردي استغفار ائدردي. حضرت رسولون گوندن گونه قربي ترقّيده ايدي و وصالدا.

بئيت:

يجّد دلي شوقا اليك ولوعه،

بوراق من بلك النواحي اشميها.

و يزداد قلبي صوته و صباته،

اذا همت من تلك الديار نسيمها.

 

و نيز حضرت بويوردو كي: حضرت رسول - صلّي الله عليه و آله- مشركينِ مكه يانيندا قامو كيمسه‌دن گنه‌كارتر ايدي. آنين ايچون كي مشركين بنده‌ليك ائيله‌يردي اوچ يوز آلتميش بته الله دان اؤزگه و چون حضرت رسول  - صلّي الله عليه و آله-  و پيغمبر اولدو و آنلاري كلمه‌ي توحيده دعوت ائتدي، آنلارا چوخ بو ايش مشكل و عظيم گلوب دئديلر كي:

«و قالوا أَجَعَلَ الْآلِهَةَ إِلَهًا وَاحِدًا إِنَّ هَذَا لَشَيْءٌ عُجَابٌ وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَى آلِهَتِكُمْ إِنَّ هَذَا لَشَيْءٌ يُرَادُ».[6]

پس، فتح مكه‌دن سونرا، الله تعالي بويوردو كي:

«إِنَّا فَتَحْنَا لَكَ فَتْحًا مُّبِينًا لِيَغْفِرَ لَكَ اللَّهُ مَا تَقَدَّمَ مِن ذَنبِكَ وَمَا تَأَخَّرَ».[7]

يعني گناهدان كي كافرلر يانينداسان آنين ايسته‌دون بو جهتدن كي آنلارين الهه‌سين مبدل و منحصر ائدردين الله تعالايا و بس يعني به مذهب باطيلِ مشركين.

 

فايده- [8/1]

سؤال ائتديلر شيخ حضرتينه بو آيتدن كي:

«إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ».[8]

چون كي نماز، اعظم اركان اسلامدير، اتفاق ايله و ظاهير دليللرين بعضي‌سي‌نين صريحيله و اول جمله‌دن بيريسي اولدور كي چون كي وقت وقفه دار اولدو عرفاتدا، اول حجّتين فرض نمازين قيلماق گرك. اگر فرض نمازه مشغول اولورسا، عرفه‌ده وقوف فوت اولور. آنين نمازين تقديم ائتمك، گرك حجّي تقديم ائتمك دگيل.

پس «چون نماز، اعظم اركان اسلامدير، ذكر الله يعني آللاهي ذكر نئجه اكبر دير؟» دئديلر.

شيخ - قدّس سرّه - جواب بويوردو كي آللاها ذكر ائتمك آنين ايچون اكبر اولور كي نمازدان كي نماز كيشي‌يي فحشاء ظاهيردن و منكر ظاهيردن منع ائيلر شول دليل ايله كي بير كيمسه نمازا مشغول اولسا اول كيمسه‌دن فحشاء و منكر ظاهيري گلمز. ظاهير، نظّاره گاه خلق دير.

ليكن نماز فحشاء و منكر باطيندن كيشي‌يي منع ائتمز شوندان كي بير كيمسه نمازدا اولا، كونلو فحشاء و منكر باطينه مشغول اولا و باطين نظرگاه حقدير.

اما ذكر ائتمك باطيني صاف قيلور. فحشاء و منكر باطيني‌دن و نظرگاه حقّي و فحشاء منكردن پاك ائيلر. پس ذكر الله نمازدان آنين ايچون اكبر اولور. و لذكر الله اكبر.

بئيت:

ذكر تك لا اني سنيك لمحة،

و اهون ما في القلب ذكر لساني.

فهمت بلا وحية اليك صبابة،

و هام عليك القلب يا بطيراني.

 

فايده- [9/1]

سؤال ائتديلر شيخ حضرتلرينه بو آيتدن كي:

«لا تُدركُهُ الاَبصار»[9]

و شول آيتدن كي:

«وَمَا قَدَرُواْ اللّهَ حَقَّ قَدْرِهِ»[10]

سؤال ائتديلر كي بو ساليك‌لر كي وصولدان و رؤيتدن و معرفتدن دم اورورلار بو آيتلره مخاليفدير آنلارين اول دعويسي.» دئديلر.

شيخ- قدّس سرّه - جواب بويوردو كي: بيزيم ايچون بصر واردير. بصريله حق تعالي ادراك اولونور. اول، حق تعالي‌نين مواهيبيندندير كي قولا باغيشلار. دليل حديث قدسي ايله صحيح روايتده:

اِنَّه قال رسول الله صلّي الله عليه و آله و سلّم اِنّ الله تعالي قال:«مَن عادَ اِلي و لَنا عليه و ما يَزال عَبدي يَتَقرّب الي بالنَّوافل حَتّي احبّه فَاِذا اجبته كُنت سمعه الّذي يَسمع به و بصره الّذي يبصر بِه ويده الّتي يبطش بها و رجله الّتي تمشي بِها و لئن سألني لا عطيئه و لئن استعاذني لاعيدنه».

پس، حق تعالي بصيرت گؤزونو بير كيمسه‌يه وئرسه، آنينلا گؤره بيلور.

بئيت:

اقول قد غرالتلاتي وينا،

مفاد زو يستغفرن جهد الركاب.

لهن كنت عني بالعيان مغيبا،

فما انت عن عيني و قلبي بغايب.

اذا اشتاقت العيان منك بنظره،

تجليت لي في القلب من كل حايب.

 

«وَمَا قَدَرُواْ اللّهَ حَقَّ قَدْرِهِ» آيتينده، شيخ - قدّس سرّه - بويوردور كي «ما عَرفَهُ الله حقَّ مَعرِفتِه» دور. موراد، يعني حق تعالي‌يي معرفتيله كيمسنه بيلمز، بلكه هر كيمسنه كندو مقدارينجا بير معرفت حاصيل ائيلر. «سُبحانَكَ ما عَرَفناكَ حقَّ مَعرِفتِك».



[1] فجر/ 27.

[2] زمر/ 42.

[3] طه/ 114.

[4] انعام/ 59.

[5] فتح/ 2.

[6] صاد/ 6.

[7] فتح/ 1 و 2.

[8] عنكبوت/ 45.

[9] انعام/ 103.

[10] همان/ 91.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,صفوة الصفا,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی