تبلیغات اینترنتیclose
صفوة الصفا - شیخ صفی الدین اردبیلی- بیرینجی بؤلوم
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : صفوة الصفا, | بازدید : 884

«ابن بزاز اردبيلي» لقبي ايله تانينان اردبيللي بزاز اسماعيل اوغلو توكل، سلطان شيخ صفي اردبيلي‌نين اوغلو، شيخ صدر الدين اردبيلي‌نين امري ايله، قارا مجموعه كيتابيندان استفاده ائدرك فارس ديلينده، صفوة الصّفا آدلي اثر يازير. او، بو اثرين تأليفينده، قارا مجموعه‌دن علاوه، شيخ صدر الدين و باشقا عارفلرين ديليندن نقل اولان حكايه‌لري گتيرير، همده اؤزونون جوانليغيندا، شيخ صفي‌ني گؤرموش اولدوغو ايچون، چاليشير كي آلديغي شيفاهي قئيدلري و توركجه روايتلري و هابئله يازيلي توركجه متنلري، دقّتله فارس ديلينه چئويرسين. او، كيتابيني هيجري 760 نجي ايلده قورتارميشدير و تئزليگه، فارسجا اوخويانلارين استفاده‌سي ايچون، بير چوخ نسخه‌لر ياييلميشدير.

ابن بزاز اردبيلي‌نين صفوة الصّفا اثري، فارسجا يازيلان تذكرة الاوليا، اسرارالتوحيد و مناقب العارفين كيمي اثرلره بنزه‌مير. صفوة الصّفانين قورولوشو، بابلارا بؤلونمه‌سي و نثر شيوه‌سي تماميله بونلاردان فرقليدير. اونون‌دا سببي آيديندير: ابن بزاز اردبيلي توركجه يازيلان قارا مجموعه‌ني و شيفاهي روايت اولونان توركجه خاطيره‌لري ترجمه ائدير. اثري تام توركجه فتوت نامه‌لر و منقبه‌لر اساسيندا قورموشدور.

دئديگيميز كيمي ابن بزار، شيخ حاققيندا كي روايتلر و منقبه‌لري بير چوخ يئرده «شيخ صدر الدين» ديليندن نقل ائدير. شيخ صدر الدين موسي، شيخ صفي‌نين بؤيوك اوغلو و اونون مسند جانشيني ايدي. او 704- هيجري ايلينده دونيايا گلميش و 794 ده وفات ائتميشدير. اردبيلده يئرلشن شيخ صفي بقعه‌سي‌نين اساس بيناسيني او تيكديرميشدير، اؤزوده آتاسي‌نين مزاري يانيندا دفن ائديلميشدير.

شيخ صدرالدين عاليم، مفسر و شاعير ايدي. اونون‌دا شاه اسماعيل ختايي كيمي توركجه ديواني واردير. قيزيل باشلارين ايلك قورولوشودا اونا منسوبدور.

ابن بزازين روايتينه گؤره، او، امير تيمور ايله گؤروشموش و اوندان چون حؤرمت گؤرموشدور و اونا يارديم ائتمه ايچون بوتون مريدلرينه امر ائتميشدير.

امير تيمور، شيخ صدر الدينين اوغلو، خواجه علي سياهپوشون حؤرمتيني‌ده ساخلاييردي و اردبيل شهرينه گيرنده، اونون زيارتينه گئتميش و قيزيل باشلاردان حيمايت گؤرموشدور.[1]

ادبي قايناقلاردا خواجه علي سياه پوش‌ـون‌دا توركجه ديوانيندان آد آپاريليير. امير تيمورون اوغلو ميرزا شاهرخ دا ئوز آتاسي كيمي اونا حؤرمت ائدرميش. تاريخي قايناقلاردا اونون 823- نجي ايلده اردبيل شهرينه گلمه‌سيندن بئله ياد ائديلير:«به زيارت شيخ المشايخ صفي الدين - قدّس سرّه – رفت و به بركت صحبت شيخ علاء الدين خواجه علي سلمه الله استعاد يافت و . . . »

خلاصه، ابن بزاز، يازديغي صفوة الصّفا اثري‌نين روايتلريني شيخ صدر الدين ديليندن نقل ائدير، بيز همين اثرين بير توركجه چئويريسيندن قارا مجموعه كيتابيميزدا نمونه‌لر نقل ائديريك:

ابن بزازين كيتابي‌نين اهميتي اورادان معلوم اولور كه صفويه حاققيندا تاريخ يازانلارين هاميسي اؤز معلوماتلاريني، شيخ صفي و صفويه‌نين منشأ و باشلانغيجي مسأله‌سينده، بو اثردن آليب توپلاميشلار.»

همين كيتابدا، اردبيل حاقيندا، بو شهرين مدنيتي، ديلي، فولكلورو، عاليملري، عارفلري، اخيلري، پهلوانلاري، خواننده‌لري و قوّاللاري و عادي كسبه‌سي موضوعوندا چوخلو معلومات الده ائده بيليريك، ميثال ايچون: اخي بالا، اخي فرج زنجاني، عبدل قوّال، پهلوان حاجي خليل و . . .

ها بئله اردبيل شهري‌نين جواهر ساتانلاري، باشماقچيلاري، چوركچيلري، آشچيلاري، دميرچيلري، ايپكچيلري و باشقا معيشت ايشلري صاحيبلري و حتي شهرين دروازالاري حاققيندا بيلگيلر آلا بيلريك.

نشر ائتديگيميز چئويري، تهراندا ملك كيتابخاناسيندا ساخلانيلان 3608 ساييلي اليازمادان آلينميشدير.

صفوة الصّفانين فارسجا متني بير دفعه ميرزا احمد تبريزي خطي ايله 1303- نجو ايلده نشر ائديلميشدير. ياخين ايللرده تهراندادا قارما قاريشيق و تحقيق ائديلمه‌ميش ناقص بير نشرده بوراخيلدي. بيزيم تقديم ائتديگيميز توركجه‌ متن يارديمي ايله، بو ناقص فارسجا نشرين سهولريني دوزلتمك اولار.[2]

 

 

بسم الله الرحمن الرحيم

[1] شكر و سپاس بي‌حد، شول پادشاهلار پادشاهينا اولسون كه، انواع كايناتي خلق ائتدي. و ثناي بيعدّ اول لم يزله اولسون كه اصناف مخلوقاتي عالم عدمدن عالم وجودا گتيردي. و داخي چوخ – چوخ شكرلر اول پادشاها اولسون كه ساير مخلوقات اورتاسيندان، ذات انساني تخصيص ائتدي.  و داخي چوخ صلوات زاكيات اول سيد كايناتا و خلاصه‌ي موجوداتا اولسون كه محمد مصطفي- عليه السلام- دير، داخي مبعوثدور شرايع احكام اسلامي بيان ائتمك ايچون و احكامي محكم قيلماق ايچون.

داخي آنين اهل و اولادينا اولسون كه طيّبلر و طاهرلر ديرلر.

قال النّبي - صلي الله عليه و آله- :[2]

«الايمان ينفَرد سَبعون باباً، اَدْناها اَماضَه الاذي عن الطريق و اَعليها شهادة ان لا اله الا الله».

يعني: كمتر ايمان، دونيايي ترك ائيلمكدير و اعلاسي لا اله الا الله دئمكدير.

اما بعد

بو ضعيف نحيف فقيردن بعضي اصحابلار التماس ائتديلر كيم سلطان الاوليا و برهان الاتقيا شيخ صفي الدين - قدّس سرّه- نين مناقيبيني . . . توركي‌يه [يازيم] . . . تا كه فايده‌سي عام اولا.

بو بنده ضعيف داخي آنلارين حاجتلري بيتسين دئيو، بو ايشه توجه ائتديم تا كيم اول مناقيبي تسهيل ائدم، و بعضي ابيات كي، آنلارين عيبارتلريني توجيه ائدم، و علماء ظاهيرين سؤزلريني مناسبتله نقل ائدم، ان شاء الله تعالي.

اما اوميدوارام كه هر كيم صُلحادان و ساليكين‌دن بو انتحالي مجاليسِ شريفلرينده اوخوسالار، بو كمينه‌ دوعاي خيردن اونوتميالار.

باب 1

سلطان شيخ صفي الدين - قدّس سرّه- نين كلماتيندان و تحقيقلرين[دن]دير شيخ صدر الدين روايتيله اولان سؤال جوابلار [ايله].

فايده- [1/1]

شيخ  بويورموشدور، سلطان شيخ صدر الدين روايتيله - قدّس الله سرّهما العزيز- سؤال ائتديلر اوشبو آيتدن كه:

«اَلا اِنَّ اولياءَ اللهِ لا خَوفٌ علَيهِم و لا هُم يَحزُنون».

و بو حديثدن كه حضرت رسول - صلي الله عليه و آله و سلم- بويورموشدور:  

«اَلمُخلصون علي خَطَرٍ عَظيم».

يعني بو ايكي‌سي‌نين اورتاسيندا مخاليفت واردير، بيرينده قورخو يوخ دئمكله و بيرينده قورخو وار دئمكله.

شيخ - قدّس الله سرّه- جواب بويوردو كي:

«اَلمُخلصون علي خَطَرٍ عَظيم».

شونلار حقيقتينده دير كه نفسين علايقين كسميش اولالار و آندان خيلاص بولموش اولالار، ليكن خطرده اولالار نفسين مكرلريندن و حيله‌لريندن قورخودالار شوندان كه عمر وفا ائتميه تا كي اصل مطلوبا يئتيشه‌لر.

مثلاً شول كيمسه‌ گيبي كه حجّه قصد ائله‌دي، اگر اول كيمسه‌ني اهل بئيتي و اوغلانلاري منع ائتسه‌لر، آنلارين سؤزون ائشيتسه، اول كيمسه مقصودا ايرمز. و اگر بو موانعه مقيّد اولماسا،  اول مقصودا أوز دوتا و مكه يولونا قدم باسسا، بو علايقدن خيلاصي بولور. ليكن يول كسيجيلر و حراميلردن امين اولماز و شوندان كه يولوندا خسته اولا و عمر وفا ائتميه، و يا شوندان كه زادراه ايله تا مكّيه وارينجا كفايت امين اولماز خطرده دير، مادام كي يولدادير. و چون كي كعبه‌يه يئتيشدي، بوقورخولار و خطرلردن امين اولدو، بو مبتدي حاليدير.

بئيت:

بياباني كه خونخوار و خطرناك است نارفته،

حريم كعبه ناديده، كجا ايمن توان بودن؟

 

معني‌سي بودور كي يولدا كي حرامي اولا، اول يولدا بونجا خوف و خطر وار اولا و اول منزله يئتمه‌ين كيمسه بونجا خوفدا اولور.

اما احوال باطينده، چون صوفي قيد نفسدن و آنين علايقيندن خلاص بولدي و علايق نفساني و شيطاني‌يي قطع ائتدي و قدميني صراط مستقيم يعني دوغرو يولا قويدو، و آيته موافيقت ائتدي كي:

«وَأَنَّ هَـذَا صِرَاطِي مُسْتَقِيمًا فَاتَّبِعُوهُ»[3] دور.و اول صوفيه، ساير يوللاردان كي شئيطان يوللاريدير «وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ»[4] بويورموشدور خوف واردير.

عن عبدالله بن مسعود قال:«خطَّ لنا رسول الله، خطّأ قال هذا سبيلُ الله ثُمَّ خطَّ خُطوطاً عن يَمينهِ و شِمالهِ. و قال هذا سُبُل علي كلّ سبل مِنها شيطان يَدعوا اليه و قرّا و اِنّ هذا صِراط مُستقيم فاتَّبعوه و لا تتَّبعوا لسّبل فتَفَرّق بكم عن سبيله.»

يعني بو حديثين معني‌سي بودور كي عبد الله بن مسعود آيدير:«بير گون حضرت رسول - صلي الله عليه و آله و سلّم- يئرده بير دوغرو خط چكدي و آييتدي:«اوشبو الله يولودور» و آندان سونرا، اول خطين ايكي يانيندا چوخ خطلر چكدي و آييتدي:«اوشبونلار داخي يوللاردير و بويوللارين هر بيريسينده بير شئيطان واردير كي طاليبي اول يولا قيلاووزلار.» و اوخودو:«انَّ هذا صِراطٌ‌ مُستقيماً فاتَّبعوه».

يعني:«اول چكديگيم دوغرو يولدور، آنا متابعت ائدين، «وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ». يعني اول سونرا چكديگيم يوللار شئيطان يوللاريدين آنا متابعت ائتمه‌يين.»

پس سلطان شيخ صفي بو بئيتي بويوردو:

بيت:

از ره دروازه‌ي «لا» تا به دار ملك شاه،

صدهزار و هفتصد و هفتاد راه و رهزن است!

 

بو بئيتين معني‌سيني نظر عقل ايله تحقيق ائتمك ممكون دگيلدير. اما ظاهير معني‌سي بو اولا كي:«لايين دروازاسيندان تا شاهين مولكو ائوينه دگين، يوزبين، داخي يئددي يوز يئتميش يول واردير و هر يولدا بير حرامي واردير.»

اول كي «لا دروازاسيندان شاهين مولكو ائوينه دگين». دئديگي شو اولا كي مثلاً طاليب كي كلمه‌ي توحيدي دئمكه باشلادي كي مركّبدير نفي ايله اثباتدان. لا دروازاسي دئديگي، نفيِ ماسوي الله اولا، شاه دئديگيندن موراد، باري تعالي اولا، شاهين دارالملك دئديگي، اثبات اولا.

ماحصل بو اولا كي «نفي»دن اثباته وارينجا، يوزمين داخي يئددي يوز يئتميش يولدور، و يول كسيجي. و هر يولدا بير حرامي واردير. و نه قده‌ر كي ساليك يولدادير، خوفدا و خطرده دير، تا مقصود وصالا يئتيشينجه.

اما كي ساليك قدمي حرم وصالدا قويدو كي «و اِنَّ اِلي ربّكَ المُنتهي»[5] امين اولدو جميع خوفدان و خطردن. «و مِن دخل كانَ آمِنا» يعني هر كيمسه كي داخيل اولدو، گيردي، امين اولدو.

و اول يوللار كي آندا شئيطان اولوردو، اول يوللاردان خيلاص بولدو. و زمره «الا انّ اَولياء الله لا خَوفٌ علَيهم و لا هُم يَحزَنون» آنلار حقيقتينده‌دير.

اما خوف [و] خطر كي آنلارين كؤنلوندن گئدر، دونيانين و دونيادا نه وار ايسه، آنين و آخيرتين خوفي و خطري‌دير. اما حق تعالي‌نين خوف و خشيتي آنين كؤنلونده داخي زياده اولور و نه‌قده‌ر كي طاليبه معرفت الله زياده اولور، حق تعالي‌دان خوف و خشيّت داخي زياده اولور.

شؤيله رسول حضرتي بويور موشدور:

«اِنّي لا علمُهم بالله و اشَدُّهم لهم خشيته».

يعني: بدرستي و راستي، البته، البته داناترم الله تعالي معرفتينه سيزدن. و داخي بو معني‌دن مقرر دير كي هر كيمده كي معرفت خدا آرتيقدير، الله طاعتي داخي آرتيقدير.

 و بو حديثي، حضرت رسالت پناه - صلي الله عليه و آله و سلّم- كندونون قورخوسون زياده ائدوكن بيلديرير.

اگر حق تعالي‌دان خوفي اولماسا، اول كيمسه زيانكار اولور. نعوذ بالله.

«فَلاَ يَأْمَنُ مَكْرَ اللّهِ إِلاَّ الْقَوْمُ الْخَاسِرُونَ»[6]

يعني آللهين مكريندن امين اولماز، الّا ضلالت اهلي،. يعني حق يولوندان آزميشلار.

 

فايده- [2/1]

سؤال ائتديلر شيخ حضرتينه اوشبو آيتدن كي:

«فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا».[7]

بو آيتين معني‌سي بودور كي هر كيمسه كي حق تعالي‌نين ديدارين طلب ائدر، عمل طالح ايشله‌سين. اول عمل صالح كي باري تعالي‌نين ديدارين گؤرمگه سببدير.اول نئجه عملدير؟ دئديلر، شيخ - قدّس سرّه- جواب بويوردو كي عمل صالح ايكي نوعدور: بيريسي ظاهير صورير، و بيريسي باطين معنوي‌دير.

عمل صالح ظاهري اولدور كي فرضلري و سنتلري و شريعتين ادبيني يئرينه گتوره و آللاهين قوللاريندان كيمسه‌ني اينجيتمه‌يه و آندان بير فعل صادر اولميه كي خلايقين نفسينه و مالينا آندان زيان گله و آندان دينينه زيان ائدر فساد گلميه. بو عمل صالحدير، ظاهير صوري.

اما صلاحيت باطين معنوي اولدور كي قلبين نفسين فساديندان صلاحا گتوره. و شول حجاب كي ساليكي مطلوبه و اصل اولماقدان منع ائدر، اول نفس دير. چون ساليك حجابيني اورتادان گؤتوره، و كؤنلو آينه‌سين پاك ائده، لاجرم حق تعالي‌نين ديدارين مشاهده ائتمگه اوميدوار اولا.»

بئيت:

اگر اندر شبستان وصالت، جان حجاب آيد،

به جانت، كين حجاب جان، ز پيش خويش بردارم.

 

بو بئيتين معناسي بودور كي:«اگر سنين وصالين گئجه‌لرينده جان حجاب اولورسا، سنين جانين حقي ايچون كي بو جان حجابيني اورتادان گؤتوره‌رم.»

 

فايده- [3/1]

سؤال ائتديلر شيخ حضرتلرينه اوشبو آيتدن كي:

«وَإِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللّهُ»[8]

و شول حديثدن كي صحيح [ده] روايت اولوندور حضرت رسولدن - صلي الله عليه و آله و سلم- :

«اِنَّ الله تَجاوَزَ عَن اُمّتي ما وسوسة صدورها ما لم تعلّم به او بِتَكلّم».

يعني آيتين معناسي بودور كي:«نفسده بير نسنه ائله اولا گركسه آشكارا وگركسه گيزلو اولسون، حق تعالي آني حساب ائدر.

و حديثدن معلوم اولان اولدور كي نفسده اوّلا داخلي عمله گتورمسه و يا خود ديلينه گتورمسه، يعني اخفا ائتسه، اظهار ائتمه‌سه، حق تعالي آندان كئچر.

«پس ايكي نسنه‌نين اورتاسيندا مخاليفت بولوندو» دئديلر، شيخ حضرتي جواب بويوردو كي خلايق ايكي نوعدور: بيري ابرار، و بيري مقرّبلر دير. اگر ابرار كؤنوللريندن كئچورسه‌لر اما قوله و فعله گتورمسه‌لر، ظاهير شرعي رعايت ائتسه‌لر، حق تعالي آني آنلاردان حساب ائتميه.

حديث آنلارين حقيقتينده اولا كي:

«انَّ الله تَجاوزَ عَن اُمّتي».

اما مقرّبلر كي حق تعالي‌نين معرفتين حاصيل ائتميشلر دير، كؤنوللرينه ماسوي گتورسه‌لر، عذاب بعد ايله معذب اولورلار. يعني حق تعالي دان ايراغ اولماق عذاب ايله معذب اولارلار. «يُحَاسِبْكُم بِهِ اللّهُ» آنلارين حقّينده‌دير.

و مقرّبلر ايراغ اولماقليق ايلن قاتي عذابدير.

بئيت:

گتورسه كؤنلونه غيري، مقرّب،

عذاب بعد ايله اولور معذّب.[9]



[1] بو موضوعدا كي سندلري آقاي بابا صفري كيتابي‌نين 73 – نجو صحيفه‌سينده ذكر ائدير. اورايا باخين.

[2] صفوة الصّفا، به تصحيح غلامرضا طباطبايي، انتشارات زرياب، تهران، 1375. (بو نشرين بعضي سهولرين «غ. ط» اشاره‌تي ايله گؤستره‌جه‌ييك.)

[3] انعام/ 153.

[4] همان.

[5] نجم/ 42.

[6] اعراف/ 99.

[7] كهف/ 110.

[8] بقره/ 284.

[9] فارسجا ترجمه‌ده بو بيت حذف اولموشدور.

نویسنده : حبیب 27 مهر 1391 ساعت : 20:14
اللریز آغریماسین
صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,کؤنول,رساله‌سی,صفوة الصفا,صفوة,الصفا,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی