تبلیغات اینترنتیclose
شیخ صفی الدین ین البویوروق رساله‌سی - 2
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : البویوروق رساله‌سی, | بازدید : 602

 12- 5. صدق و اعتقاد

طاليب گرك بير ايش ايشله يينجك فكر ائيليه.اگرخير ايشليه،شرّي ترك ائيليه.اما بيركيشي ظاهير و باطينده شيخين اشارتينه منتظر اولا و صفا نظرينه مظهر دوشه.

هاچان بير كيشي طاليب حق اولا و داهي اوليا درگاهينا گله ال وئريب اتك دوتسا، ارادت ايله تسليم اولا. اوليايا اقرار وئريب ايمان گتيرسه،[1] بو دونيا خلقيندن كسيليب اوليا گروهوندان اولا.

اما بورادا ايماندان موراد، صدق و اعتقاد بيرله[2] اينانماقدير. بير كيشي نين اقراري صادق و اعتقادي دوروست اولماسا، اول كيشي نين ايماني اولماز. دين داهي ايماندير و ايمان ايكي قسم اوزه رينه دير: بيري تحقيقدير، ديگري تقليد دير. تحقيق اولدوركيم كؤنلو غلّ و غش دن مبرّا اولا و تقليد اولدوركيم كؤنلو دوپدولو وسوسه ي شيطان اولا.

و شيخ صفي بويورور[3]كي: «اوليا، منزلينده اوتورا. طاليبين كؤنلونه نظر ائده، لوح المحفوظه و لوح الانسانه اولا. يعني بير كيشي كيم يانينا گلدي، نور ولايت ايله اونون ياپديغي خطالاري بيله و گؤره و تربيه ائيليه و هانگي طاليبين كؤنلو پاك دگيلدير، آني يانيندا قويمويا، ردّ ائده».

13- 5. ايمانسيز اؤلمك

شيخ صدرالدين حضرتلري يئنه سؤال ائديب آييتدي: «ياشيخ! طاليبين كؤنلو نئجه اولونجا پاك اولور؟». شيخ صفي حضرتلري آييتدي: «بي نماز لوقمه سين يئمييه. طاليب اولان كيشي، خلق عالمه اختلاط ائتمه مك گرك. يعني عوام ايله آليش وئريشي ائتمه مكدير. يزيد عورتيله ياتمييا. يزيدين لوقمه سين يئمييه. كندي گوهريني يزيده خرج ائتمييه و كندي لوقمه سين يزيده يئديرمييه. بير كيمسه منكر و منافق اكمگين[4] يئير ايسه، قورساغيندا ايكن، اول كيشي نين وعده سي ايريشيب اؤلورايسه، ايمانسيز اؤلور».           

 

14- 5. كؤنول حق ائويدير 

شيخ صدرالدين آييتدي: «يا شيخ! بي نمازكيملردير؟ بويور، ائشيده ليم»

شيخ صفي حضرتلري آييتدي: «بي نماز آنلارديركيم حق سئوگيسين، پيغمبر مهرين و اولياء محبّتين كؤنولدن چيخارا. بونلارين يئرينه تشويش و غلّ و غشدن و بد فيكر و بد انديشه دولموش اولا و كؤنلو دائماً تكبر اولا. حقّه باش ائنديرمييه و حق سؤزه باش ائنديريب «بلي» دئمييه. زيرا نمازدان موراد اولونان، نيازدير. حقّه باش ائنديريب سجده قيلماقدير. بير كيشي سجده ترك ائله سه، حق تعالي حضرتينه عبوديت و پرستش ائتمه ميش اولور و شيطان گيبي مردود اولور.

بير قوُل،افنديسينه سركش اولوب باش ائنديرمسه و امرينه مطيع اولماسا،عاصي اولسا، افنديسي اونو قاپيسينا قويماز، ردّ ائدر. ايندي طاليب اولان كيشي جدّ و جهد ائديب، قادر اولدوغو قده‌ ر گؤزه وكؤنوله گيرمك. زيرا كيم كؤنول حقّين ائويدير. پس ائوصاحيبي، ائودن خالي دگيلدير. بير كيشي حقيّن ائوينه گيرسه، حق ايله بيرليك ائتميش اولور».

 

15- 5. تسليم اولماق

شيخ صدرالدين آييتدي: «يا شيخ! طريقتده سجده قيلماق نه دير؟ بويورونوز، ائشيده ليم و بيله ليم».

شيخ صفي- عليه الرحمه - بويوردوكيم:«طريقت ايچينده سجده قيلماق نياز مقاميدير. يعني تسليم اولماق دير. تسليمدن موراد اولدوركيم باشيني يولونوزا قويدوم، آيريق[5] منيم دگيل دير. زيراكيم ار مئيداني، حق مئيدانيدير. بو مئيدانا گيرن كيشي باشيني توپ ائيله ييب كنديني مئيدانا فدا ائديب باش و جاندان كئچمك گركدير. بؤيله اولسا، او كيشي ارادت ايله كنديني، تصديق و تحقيق، اوليايا تسليم ائتميشدير. طريقتده، صدق اعتقاديني محكم ائديب كؤنلونه وسوسه گتيرميه. اما ادب اوزرينه اولماسا اول كيشي نين تسليمي اولماز».

 

16- 5. سجده حقّه‌دير

شيخ صدرالدين آييتدي: «يا شيخ! سجده حق ايچون ايسه، بورادا خوف يوخدور و اگر ادب ائدرسه، آدمدن دگيل. بورادا حقدن داهي اوميد اولمايا. بورادا سجده نه ايچوندور؟ بير خوش دوشون[6] بيان ائله، بيله ليم. موشكلوموزو حلّ ائديب عيان ائله. بيز داهي اونا گؤره قيلاليم».

شيخ صفي- رحمه الله عليه - حضرتلري بويوردو: «اول واخت كيم حق تعالي حضرت آدامين قاليبيني قدرت اليله دوزوب و ملائكه لره سجده ايچون امر ائتدي، اول امر خود حق اولدو.

ايندي، اول واخت حق تعالي آدامين قاليبينده كندوزونو[7] گيزلتدي، ملائكه لر كندويه سجده ائتديلر. پس ابليس- عليه اللعنه - اول واخت تكبّرلوك ائديب سجده ائتمه دي. ملعون و مطرود اولدو.

بو معنادان كيم ابليس غير حق ساندي و حضرت حقّي آدمين مظهرينده گؤرمه دي و تانيمادي، «اَبي واستكبَرَ و كانَ مِنَ الكافرين»[8] اولدو.

دورموز]؟[ بي سمع و بي بصر، بي يد[9] و بي يمشي و بي بطشي ابليس- عليه اللعنه- كشف اولدو و بيلمه دي كيم حقدن غيرته سجده قيلماق كفردور. «من سجد لغير الله فقد كفر». اگر آدم، غير حق اولايدي، اونا سجده ائيله ين كافر مطلق اولايدي.

پس معلوم اولدوكيم سجده حقّه دير. حقدن غيريه سجده قيلماق جائز دگيلدير. اگر حق ايچون ائدرمزسه، اول كيشي كافر مطلق اولور. بو معنايي ياخشي فهم ائيله. عقلينده سكه له[10] گؤر تا كيم «لا تفقهوا» لاردان اولمياسان. «اولئك كالانعام  بل هم اضلّ اولئك هم الغافلون»[11] اونلارين شأنينده گلميشديركي حقّي باطيلدن فرق ائيله مزلر و آدمه سجده ائيله مزلر. صلات و زكات اهليندن دگيلديرلر.

جناب حقّين اسرارين نقل]و[  تأويل ائيله مزلر. حيوان كيمي، شراب شهوتدن اؤزگه بيلمزلر. «يعلمون ظاهراً مِنَ الحَياةِ الدُّنيا و هُم عَنِ الاخِرةِ هُم غافِلون».[12]

پس طريق اهلي اولان قارداشلارا واجيبدير كي هر گون صاباح اولدوقدا، يئريندن دوروب پاك طهارت ايله آبدست آليب اون ايكي امامي و چهارده معصوم پاكلاري ذكر ائديب آل اولادي شفيع گؤتوروب شاه،كرمه گلينجه يه قده ر، جميع مشايخلري ياد ائديب روح منوّرلريندن استعانت طلب ائديب يارديم ديله يه و اهل بيت رسولون دوشمانلارينا «تبرّي» ائديب محمد]و[ علي دوستلارينا «تولّي» ائيله يه. اون ايكي اماما اقرار ائديب مرشده ارادت گتيره تاكيم ايماني دوروست اولا.

بير طاليب بئش واخت بو شرط ايله]نماز[ قيلماز ايسه، لايق شاه و مقبول درگاه اولماز و مردود ازلي دير. اول كيمسنه دن اعراض ائتمك گرك. «نعوذ بالله من شرّ ذلك».[13]

 

17- 5. اوستاد نفسي

شيخ صفي حضرتلري بويورموشدوركيم: «طاليب اولان كيمسه گركديركيم اوستاد نفَسي ايله يورويه. امرلرينه قائل اولا. مطيع اولا اوليايا. هاچان كيم بير طاليب، اولياء نفَسينه ايمان گتيرمه سه، باقي اعتقاد ائتمه ييب اينانماسا، كؤنلونه شبهه بورونسه، يئتميش اولياء قتل ائتمشجه گوناه حاصيل ائدر».

و داهي شيخ صفي حضرتلري بويورموشدور: «يول طاليبي اولان كيشي، دائم مجاهيده قيلا. مجاهده اولدوركيم قادر اولدغو قده ر طاليب بيرـ بيرينه چوخ وارماق گرك. كؤنلو خسته اولور. پس ايندي مجاهده ايله كؤنول آيينه سي سيلينير. پاك مجلّي اولور. اول طاليب هر نه‌ يه كيم باخارسا مربي سين گؤرور. كؤنول گؤزو آچيلير».

داهي بويورموشدور: «طاليب اوچ گونده بير دفعه مربّي سينه وارا، ديدارين گؤره و صحبته ايره. اولياءكلامين دينله يه، معناسيندان آنليا. دورلو معرفت حاصيل ائيليه و نئچه مشكللر حل ائيله يه. اگر اوچ گون ـ گئجه وارماسا، بئش گون ـ گئجه وارماسا، يئددي گون و يا اون گون والحاصيل قيرخ گون وارماسا، وعده سي ايريشيب بو قيرخ گون ايچينده اؤلورسه، اول طاليب اوليادان جدا دوشموش اولور. اولياء قوْولو اونون اوزرينه دير. بيله سيز، غافيل اولمياسيز».

 

18- 5. اولياقوولو

شيخ صفي حضرتلري بويوروركيم:«اوليانين اون ايكي قوولو واردير . آلتيسي طاليبيندير. پس هر هانگي طاليب، بو آلتي قوولو بيليب اوليانين نفسيني يئرينه گتيرميه، قيلديغي دعوي باطيلدير و اگر او آلتي قوولو يئرينه گتيرسه، اولياء دوستو اولور».



[1] متن: گوتورسه.

[2] بيرله: ايله. معيت علامتي‌دير.

[3] متن: بورر.

[4] اكمك (ekmek): چؤره‌ك.

[5] آيريق (ayriq): آيريليق، فراق.

[6] دوشون (düşün): فيكر، ايده.

[7] كندوزونو: اؤزونو.

[8] بقره/ 34.

[9] متن: بي‌يند.

[10] سكه‌لمك (sekelmek): اويانماق، تيقّظ.

[11] اونلار حئيوان كيمي ديرلر، بلكه اوندان‌دا آلچاقديرلار. اعراف/ 179.

[12] اونلار ياشايشين بوگونونه اويموشلار و آخرت گونوندن غفلت ائديرلر. روم/ 7.

[13] اونون شرّيندن آللاها سيغينيرام.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شیخ صفی الدین اردبیلی به روایت دکتر صدیق,شناختنامه شیخ صفی الدین,دکتر حسین محمدزاده صدیق و شیخ صفی الدین,دکتر صدیق و قارا مجموعه,حسین محمدزاده صدیق و شیخ صفی الدین اردبیلی,شیخ صفی الدینین البویوروق رساله‌سی,
ارسال در تاريخ پنجشنبه 6 مهر 1391 توسط دکتر صدیق. ارسال: سید احسان شکرخدایی