تبلیغات اینترنتیclose
شیخ صفی الدین ین البویوروق رساله‌سی- 1
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : البویوروق رساله‌سی, | بازدید : 680

2- 5. كيتابين مقدمه‌سي

كتاب المناقب

(البويوروق)

و هو كتاب يحتوي علي حوار في آداب الطريقه بين الشيخ صدرالدين و بين قطب العارفين الشيخ صفي الدين بن اسحق الاردبيلي و يعد كتاب المناقب من كتب الشبك المقدسه و يعرف عندهم به «»البُرُخ» و «البويوروق» أي ما بتفضيل به.

بسم الله الرحمن الرحيم

هَذاكتاب البويوروق مناقب شريف قطب العارفين حضرت شيخ صفي قدس الله سرّه العزيز.الحمدلله الذي جعل مشاهد انبيائه قبله للعارفين و كعبه للطائفين و جعل التمسَّك بٍحَبلهم سَبَبا النجاة الي يومِ الدّين و الاعتصام بهم وسيله الارتقاء علي الدّرجات في علييّن الحمدلله ربِّ العالمين خَلَق السّموات العليم لا بَداية و لا نهاية لَه و افضل الصّلوات و أكمل التّحيات علي رسوله المختار الامين و آله و اولاده أجمعين و علي سائر الأنبياء و المرسلين برحمتك يا ارحم الراحمين

 و امّا بعده، سرور كائنات و خلاصه الموجودات، اوْل شفيع امت و سرهنگ قيامت و اركان رسالت، بلبل گلستان، خواجة دنيا و آخرت، صدر صفوت و ماه قويّه وفا معلّي و مزكّي و مجتبي يعني محمّد المصطفي - صلي الله عليه و سلّم - حضرتلري چون كيم فنا داريندن بقا مولكونه عزم ائتمه لي اولدو، حديث شريف «المؤمنون لايموُتوُن بل ينَتَقلون مِنْ دار الفناء اِلي دار البَقاء»]ني[ حضرت رسول (ص)   بويوردوكيم: «مؤمنلر اؤلمزلر. فنادان بقايا نقل ائديرلر. همان بير ائودن بير ائوه كؤچرگيبي دير».

 

3- 5. نبي اكرم (ص)   وصيتي

پس اول واخت اسدالله الغالب اميرالمؤمنين علي بن ابي طالب حضرتلري]ني[ حضورونا ايسته دي و آييتدي: يا علي! قرب حقّه مواصلت قريب اولموشدور. من دونيادان آخرته گئديرم و سنه بير قاچ وصيت ائديرم. گركديركيم قبول ائده سن، ايكي جهاندا عزيز و محترم اولاسان. زيرا طريقت ايچينده لازم اولان نسنه لردير. منه جبرئيل امين، حضرت رب العالميندن وحي گتيرميشدير. ايندي شريعت , انبيانين و طريقت , اوليانيندير. معرفت سلوكدور. حقيقت، وصلت مقاميدير. اؤيله حق اولماقدير. پس بو گؤهرلري[1] «يازي» دا سنه يادگار وئره ليم.

 

4- 5. لؤلؤ جان

امت خاص و مؤمن پاك اعتقاد اولان قارداشلارا، لؤلؤ جاندير، نه مرجاندير كي هر بيري بير جاندير. محكم ساخلاييب بو سؤزلري درّ ]كيمي[ تن ]و[ جان قولاقلارينا قويالار. انبيانين سرّين بيليب دويالار. اوليانين اركانينا اويالار. مؤمنليكده پاك اعتقاد محبّلر، روز محشرده قيامت قاييم اولونجا بيزيم علم و سانجاغيميز آلتيندا بولونوب شفاعتيميزدن[2] محروم قالميالار( انشاءالله تعالي).

 

5- 5. ادب و اركان

يا علي! حق اولوب محبّ اوليا اولان كيمسنه لره تلقين ائديب بو وصيتلري دئيه سن. گوجلري يئتديكجه , - علي قدره -  اوليانين ادبيندن و اركانيندان ائشيده لر. بيليب اؤيره نيب اوليانين طريقين دوتوب گئده لر و اونا گؤره عمل ائده لر. و داهي هر كيم بو وصيتلري دينله ييب موجبينجه عمل ائدرسه اول منيم دوستومدور. من اوندان خشنود اولارام. يارين , حقين جماليني كنديسينه گؤستره رم و هر كيم بو وصيتلري ائشيديب توتماز ايسه منيم دوشمانيمدير».

 

6- 5. معتبر كيتاب

پس اول واخت بو «وصيت نامه»يي اميرالمؤمنين امام علي عليه السلامه تسليم ائيله دي و نئچه دورلو[3] پند ونصيحت ائديب بونا مطابق حديث شريف سؤيله دي:«انا مَدينَةُ العِلم و عَليّ بابُها»يعني: «من علمين شهري يم و علي قاپي سيدير». «انا و علي، مِن نورٍ واحِد» يعني: «من و علي، بير نوردان خلقيز».[4]

اسدالله الغالب امام علي - عليه السلام-  رسول - صلي الله عليه و سلّم-  حضرتلري نين لفظ گهرباريندان پند و نصيحتي قبول ائديب حضور شريفينده يوزونو يئره اوردو[5] و اوْل «وصيت نامه»يي رسول حضرتي نين حضوروندا يازدي , بير معتبر كيتاب ائيله دي. دائماً اوخويوب موجبينجه عمل ائدير ايدي. آندان،[6] امام حسن (ع)  و امام حسين (ع)  و امام زين العابدين (ع)  حضرتلرينه ايريشدي[7]- رضي الله تعالي عليهم اجمعين-.

7- 5. ارنلردن يادگار

تاكيم سلسله ـ سلسله اولاد رسولدان بو «وصيت نامه» شيخ صفي الدين حضرتلرينه ايريشدي- قدّس الله سرّه العزيز-.[8] اوخويوب اونونلا عمل قيلدي.

كنديسينه مريد اولوب ارادت كؤتورن[9] طاليب و درويشلرينه معاً[10] تلقين ائديب بو «وصيت نامه» موجبينجه اوليا محبتلرينه ارشاد ائدر ايدي. بيزه داهي ارنلردن يادگار قالدي. اوليانين مناقيبي بودور. بيله سن طاليبلره تربيه قيلاسان.

 

8- 5. شيخ صفي‌نين ايلك بويروغو

شيخ عاقل وكامل و قرب حقّه واصيل،تحقيق،- خليفه الله عنده- شيخ صفي الدين- رحمه الله- حضرتلري بويورور: «هاچان بير طاليب بو وصيتلري دينله سه و معناسين آنلاسا اول طاليب حق حضورونون امن و امانيندا اولوب دونيا و آخرت قورخولاريندان[11] قيامت گونونده، بيزيم ايله حشر اولور. بو «وصيت نامه» اوخونور. كيمي قولاق دوتوب دينلمه سه و معناسين آنلاماسا , گؤزو _ كؤنلو بياندا اوليانين ادبين يئرينه گتيرمسه، اول طاليبدن الله بيزار و رسول الله بيزار و في الجمله دونيا واوليالار و ملائكه لر بيزار اولورلار» دئدي.

9- 5. طاليب حق كيمدير؟

مگر كيم «شيخ صدرالدين» حضرتلري مجليسده حاضير ايدي و طريقت ايچينده، شيخ صفي الدين اوغلو ايدي. بو نطقي ائشيدينجه في الحال اوتوردوغو يئردن آياق[12] اوزونه دوردو. گليب شيخ حضوروندا يوز يئره قويوب تضرع و ناز ائيله دي و داهي مسكينليكله دئدي: «يا شيخ! طاليب حقّ نه دير؟ بيزه بيان ائيله كرم لوطفوندن ائشيده ليم!»

 

10- 5. طاليبين آلتي صيفتي

شيخ صفي حضرتلري بويوردوكيم: «طاليب حق اولدوركيم اوّل: ادب] آلا [‌. ايكينجي: عوامدان كسيله. اوچونجو: محرمين بيله. دؤردونجو: جميع يد فعلين[13] ترك ائده. بئشينجي: حقّه و خلقه ياراماز ايش ائتميه. آلتينجي: هر هاردا[14] اولا، شيخ قورخوسون چكه. يعني: «آشيكار و يا مخفي من بو ايشي گؤررسم، شيخيم گؤرور , بيلر» دئيه، ائتميه. اولياء طاليبين كؤنلونه و گؤزونه، گونده يئتميش كره نظر ائيلر.

نظم:

سرايين پاك ائت كي مهمانخانة حق دير،[15] 

واخت اولوركيم تختيني قورماغا سلطان گلير.

پيسي سيلينميش ـ سوپورولموش گؤرونجه، سلطان صفا ائدر. توپراق او طاليب باشينا كي اوليايي حاضير و ناظير بيلميه و هركيم كؤنول آيينه سين سيلميه، اوندان انبياء و اولياء بيزاردير» دئدي.

 

11- 5. شيخين رضاسي

ايندي طاليب اولان كيشي، گركدير كي صاحب عقل اولا و هر ايشي كي ايشلر،[16] عقل تصرفي ايله ايشليه. جميع حركاتي ايله ضبط ائيليه. مخاليفليك[17] ائتميه و اگري طريقه گئتميه. ائتديگي ايش و گئتديگي يول شيخين رضاسيله اولا. اگر شيخين امرينه موافق اولمازسا، اول طاليبين چكديگي[18] زحمت و محنت و مشقّت، في الجمله ضايع اولور و آخرت ده شيطان كيمي ملعون و مغبون و مردود اولماسان و درگاهدان سورولميه سن[19] جهد ائده سن كيم يوز مين گوناهين داهي اولورسا آدام گيبي، پيغمبركيمي[20] مغفور و مقبول اولاسان.



[1] متن: جوهر.

[2] متن: شفاعمزدان.

[3] دورلو: مختليف، جوره جوره.

[4] خلق سؤزو، بورادا «مخلوق» آنلاميندا كئچير.

[5] «اورماق» مصدري، بوگون «وورماق» فورماسيندا ايشله‌نير.

[6] آندان: اوندان سونرا.

[7] ايريشمك: يئتيشمك، واصل اولماق.

[8] تانري اونون دگرلي تورپاغيني پاك ائتدي.

[9] «ارادت گؤتورمك» يعني: تابع و پيرو اولماق.

[10] معاً: بيرليكده.

[11] قورخو (qorxo): بورادا هيبت معناسيندادير.

[12] اردبيل شيوه‌سي ايله متن‌ده: آياغ.

[13] يد فعلي: ال ايشي. بورادا گناه و پيس ايش معناسيندا دير.

[14] متن: هر قنده (= هر قاندا= هر هاندا= هر هاردا).

[15] بيرينجي مصراعدا بير هجا دوشموشدور. ظنيمجه بئله اولماليدير: گل سرايين پاك ائت . . .»

[16] ايشله‌مك مصدريندن، يئرينه يئتيرمك معناسيندادير.

[17] متن: مخالف.

[18] متن: كلديكي.

[19] سورولمك (sürülmek): قاوولماق.

[20] متن: كي.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شیخ صفی الدین اردبیلی به روایت دکتر صدیق,شناختنامه شیخ صفی الدین,دکتر حسین محمدزاده صدیق و شیخ صفی الدین,دکتر صدیق و قارا مجموعه,حسین محمدزاده صدیق و شیخ صفی الدین اردبیلی,شیخ صفی الدینین البویوروق رساله‌سی,
ارسال در تاريخ پنجشنبه 6 مهر 1391 توسط دکتر صدیق. ارسال: سید احسان شکرخدایی