تبلیغات اینترنتیclose
شیخ صفی الدین اردبیلی در پژوهشهای دکترحسین محمدزاده صدیق
شیخ صفی الدین اردبیلی در پژوهشهای دکترحسین محمدزاده صدیق
شرح احوال، افکار و آثار شیخ صفی الدین اردبیلی بر اساس تحقیقات استاد دکتر حسین محمدزاده صدیق
موضوع : | بازدید : 572

به علت بروز برخی مشکلات در سرویس وبلاگ ایران، از علاقه‌مندان دعوت

می‌شود ادامه مطالب مربوط به شناختنامه شیخ صفی را در آدرس جدید زیر

دنبال کنند:

 

 http://sheykhsafi.blogfa.com

 

 

 

برچسب ها : آدرس جدید شناختنامه شیخ صفی الدین اردبیلی,شناختنامه,شیخ,صفی الدین,در پژوهشهای,دکتر حسین محمدزاده صدیق,حسین دوزگون,
ارسال در تاريخ چهارشنبه 14 فروردين 1392 توسط دکتر صدیق. ارسال: سید احسان شکرخدایی
موضوع : کلمات و تحقیقات, | بازدید : 791

[سوال 10]:

سوال ائتديلرحضرت شيخه اوشبو آيتدن كي:«فَسئَلُوا أَهْلَ الذِّكْرِ إِن كُنتُمْ لا تَعْلَمُونَ»[1].اهل ذكر كيم دير؟ دئديلر.

جاواب: حضرت شيخ صفي الدين - قدس سرّه العزيز - جاوابيندا بويوردو كي: اهل ذكر، اهل لا اله الاالله دير آمما مجرد دئمكله دگيل، بلكه لااله الااللهي بيلمك گرك كي نه دئمك دير. يعني شول كيمسه لر كي عاريف اولالار، لااله الاالله دئمك ايله.[2] يعني كي اهل ذكر ايكي طايفا دير. بير طايفاسي اول دور كي لااله الاالله دئمك ايله قالميشلار دير مجرد لفظينده، معنيسين بيلمزلر. بولار، طايفه‌ي عام دير.

و بيريسي اول دور كي لااله الاالله دئمك[3] ايله معرفت حاصيل ائتميشلر دير. يعني معني‌سين بيلرلر و الله تعالانين اسرار خزينه‌سينه اللري يئتميش اولار. چونكي اونلار اهل ذكر اولدولار، اونلاردان بير سوال ائتسه‌لر، اگر اول زامان بيلمزلرايسه، حضرت حق تعالادان اؤگره نرلر[4] و داخي بونلارا جاواب وئررلر.

بئيت:

مخزن گنج رموز غيب چون دست آورد،

ترجمان دفتر اسرار هر معني شود.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,کلمات و تحقیقات,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : کلمات و تحقیقات, | بازدید : 544

[سوال 5]:

سوال ائتديلر حضرت شيخه اوشبو آيتدن کي:«اللَّهُ يَتَوَفى الأَنفُس حِينَ مَوْتِهَا وَ الَّتى لَمْ تَمُت فى مَنَامِهَا فَيُمْسِك الَّتى قَضى عَلَيهَا الْمَوْت وَ يُرْسِلُ الأُخْرَى إِلى أَجَلٍ مُّسمًّى»[1]. اول نفس کي حالت موتدا اؤلور، نئجه نفس دير و اول نفس کي حالت موتدا اؤلمز، نئجه نفس دير و اول کي حالت منام[2]دا اؤلمز، نئجه نفس دير؟ دئديلر.

جاواب: حضرت شيخ صفي الدين - قدس سره- بويوردو کي: اول نفس کي حالت موتدا اؤلور، اول جسم دير و بدن دير و اول نفس کي حالت موتدا اؤلمز اول مطمئنه دير و لوامه دير و ساير خلاييقين اصطلاحينجا روح حيواني‌ديرکي ممتزج روح انساني دير. اگرحالت موتدا بو ايکي‌سي داخي اولسايدي، ثواب ايله لذت اولمازدي و اول نفس کي حالت منام‌دا اؤلمز، اول، داخي هم نفس دير کي روح حيواني ايله حيّ دير. نه‌دن کي روح حيواني مفارقت ائدر بدندن اول هنگامدا، چونکي روح انساني بدندن مفارقت ائتمز، بدن حياتدا دير. اؤلمز مادام کي اونون سير سلوکي اولار. اول سيردن اونون حظّي واردير. يئمکدن و ايچمکدن و ملاحظه‌دن و حالت يقظه‌ده يعني اويانقليق حاليندا گلر و بدنه گيرر. آمما روح انساني مفارقت ائدر بدن‌دن. گئري گلمز الاّ کي حشر وقتينده گئري گلر.

بئيت:

مرغ جانها راست پروازي به کوي شوق او،

ليک هريک را مقام و آشيان ديگر است.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,کلمات و تحقیقات,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : کلمات و تحقیقات, | بازدید : 558

پس اول سببدن بويوردو کي « وَ أَنَّ هَذَا صرَاطِى مُستَقِيماً فَاتَّبِعُوهُ». يعني اول چکديگيم دوغرو يول‌دور. اونا متابعت ائدين کي «وَ لا تَتَّبِعُوا السبُلَ فَتَفَرَّقَ بِكُمْ عَن سبِيلِهِ». يعني اول سونرا چکديگيم خطلر، شيطان يوللاري دير. اونا متابعت ائت[مه]مک.

پس بو محلده حضرت شيخ صفي الدين - قدس سره العزيز- انشاء ائديب بو بئيتي بويوردو کي:

بئيت:

از در دروازه لا تا به دارالملک شاه،

صد هزار و هفصد و هفتاد راه و رهزن است.

 

بو بئيتين معنيسي بو دور کي: تحقيق بونو نظر عقل ايله ممکن دگيل[1] دير، آمما ظاهر معنيسي بو دور کي لا دروازه‌سي قاپي‌سيندان[2] شاهين ملکي ائوينه دکين[3]، يوز مين داخي يئددي يوز يئتميش يول وار دير و هر يولدا بير حرامي وار دير، آمما اول کي لا دروازه‌سي قاپي‌سيندان شاهين ملکي ائوينه دکين دئديگي، بو اولا کي مثلا طاليب، کلمه‌ي توحيدي دئمگه باشلادي کي مرکّب دير نفي ايله و اثباتدان، لا دروازه‌سي دئديگي نفي ما سوي الله اولا.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,کلمات و تحقیقات,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : | بازدید : 778

بو اثرين يگانه اليازماسي آستان قدس رضوي كيتابخاناسيندا 59- نمره آلتيندا ساخلانيلير. اونو ايلك دفعه 1383- نجو ايلده آقاي محمد صادق نائبي گئنيش اؤن سؤزو ايضافات ايله قارا مجموعه-2 عنوانيله نشر ائتدي. اليازماده اثرين آدي و عنواني ذكر ائديلمه‌ميشدير ولاكين اؤن سؤزده گؤستريلير كي بو اثر، شيخ صفي‌نين تذكره‌سي‌نين دؤردونجو بابي اولاراق اونون كلمات (قيسا سؤزلر) و تحقيقات (آچيقلامالار) يني احتوا ائدير. ائله بونا گؤره‌ده بيز بو نشريميزده آديني متندن آليب كلمات و تحقيقات قويدوق. قئيد ائتمك لازيمدير كي همين آد آلتيندا شيخ صفي‌يه بير نئچه رساله‌ده منسوبدور. بو بؤلومون اؤنجه كي بؤلوملر ايله فرقي بيرينجي بوكي املاسي چاغداشلاشميش و اتك يازيلاردا؟! سؤزجوكلرين گئنيش ايضاحاتي وئريلميشدير و نسخه‌ني استنساخ ائده‌نين ايضاحاتي، بو بؤلومده اتك يازيلاردا «تحشيه» عنواني آلتيندا گتيريلميشدير اثر آلتي بؤلومده‌دير.

بسم الله الرحمن الرحيم

شكر و سپاس بيحد اول[1] پادشاهلار پادشاهينا اولسون كي انواع كايناتي خلق ائتدي و ثناي بيعد اول لم يزال و لايزاله گلسين كي اصناف مخلوقاتي عالم عدمدن، عالم وجوده گتيردي و چوخ چوخ شوكورلر اول پادشاهلار پادشاهينا اولسون كي ساير مخلوقات اورتاسيندان ذات انساني تخصيص ائتدي و چوخ درود و صلوات زاكيات اول سيد كايناته و خلاصه‌ي موجوداته اولسون كي حضرت محمد مصطفي دير. - صلي الله عليه و اله و سلم-. مبعوث دور شرايع احكام و اسلامي بيان ائتمك ايچون.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,کلمات و تحقیقات,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 582

فايده- [9/2]

سلطان شيخ صفي - قُدّسَ سِرُّه- «فَانظُر الي آثارِ رحمتِ الله كيفَ يُحيِ الارضَ بعدَ مَوتِها»[1] آيتينده بويوردو كي: شؤيله كي بو يئر، ظاهيرده اؤلموشدور و دونموشدور، ياز ياغموردي سويي ايله حيات بولور و انواع رياحين و انهار و نباتات و اشجار يئر يوزونده ظاهير اولور، و كؤنول داخي ائله‌دير، يعني نفس اماره‌نين قيش هواسي ايله اؤلموشدور و دوغموشدور. چون طاليب ذكره مشغول اولا، اول ذكردن طاليبه آثار انس محبّت الهي حاصيل اولور، اول نفساني زمهريرلر باطينده دفع اولور، و كؤنول يئري يومشاغ اولور، و قابل عمارت اولور. «ثُمَّ تَلينُ جُلودُهم و قُلوبُهم الي ذِكرِ الله».[2]

و آندان سونرا، طاليبين كؤنلو يئرينه خواص كلمه توحيددن رحمت ياغموري‌نين هواسي آثاريندان كؤنول يئري حيات بولور. يعني آرتيب زياد اولماق تا كي انواع رياحين و معرفت دوست، كؤنول يئرينده بيتر، اوجالور.

و بعضي كتبده مسطور دور، حق تعالي بويوردور كي:«عَبدي جَنَّتي بُستانُكَ و قَلبُكَ بُستاني».[3]

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 603

فايده- [16/1]

افضل الفضلا مولانا عطاء الله اردبيلي آيدير:«بيرگون، سلطان شيخ صفي - قدّس سرّه - حضوروندا بير اولو جمعيت اولدو. و علما حاضير اولدولار. شيخ صفي حضرتي - قدّس سرّه - فوايد بويوردو و آنين اثناسيندا سؤال ائتديلر بو آيتدن كي:

«يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ».[1]

و بويوردو كي بو آيتين معناسي بودور:

مولانا شهيد قاضي جمال الدين اردبيلي آيتتن ظاهير معناسيني، مفسّرلر تفسير ائتدوگي كيمي بويوردو كي:«سلطان شيخ صفي - قدّس سرّه - بويوردو كي بو داخي اييو[2]دور، اما بير بوندان داخي ياخشي واردير.»

علماء مجليس آييتديلار كي:«آني، شيخ حضرتي بيلور[3]» دئديلر.

شيخ صفي - قدّس سرّه - جواب بويوردو كي:«آيتين معناسي بودور كي شول نسنه كي آني حق تعالي سنه گؤندرر، سن آني خلاييقه اولوشدوروسان. داخي آنين مقتضاسي ايله عمل ائله. و اگر آنين مقتضاسي ايله عمل ائتمزسن، ايريشيديرميه‌سيز.[4] «و اِن لَم تَفعَلْ فما بَلَّغْتَ رِسالتَهُ».

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 649

فايده- [14/1]

سؤال ائتديلر شيخ حضرتلرينه بو آيتدن كي:

«ثُمَّ اَنشَأنا خَلقاً آخر».[1]

«خلق آخر»دن موراد نه نسنه‌دير. اگر جسم ايسه، پس اطوار خلق انساني ائتدوگيندن، بو اوّل گرك ايدي. يعني حق تعالي، بو آيتدن دئدوگينده كي:

« وَ لَقد خَلَقنا الاِنسانَ مِن سُلالَة مِن طينٍ ثُمَّ جَعلناهُ نُطفَةً في قَرار مكين ثُمَّ خَلَقنا النُّطفةَ عَلَقةَ فَخَلَقنا العَلَقةَ مُضغةَ فخَلَقنا المُضغةَ عِظاماً فَكَسونا العِظام لَحما».[2]

پس اطوار خلقت تمام اولدوغوندان سونرا، بويوردو كي :«ثُمَّ اَنشَأناهُ خَلقاً آخر».[3]

پس معلوم اولدو كي «خلق آخر»دن موراد، جسم دگيلميش و روح، خود دگيل. زيرا كي حديث ايله ثابتدير كي الله تعالي ارواحي اجساددان دؤردمين ايل اؤندن ياراتدي. و حديث بودور كي:

«اِنَّ الله خَلَقَ اللهُ الارواحَ قبلَ الاجسادِ بِاَربعةِ الافِ سنَةٍ.»

بو حديثدن معلوم اولدو كي «خلقِ آخر»دن موراد، روح دگيلميش. پس خلق آخر نه‌دير؟» دئديلر.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,
ارسال در تاريخ دوشنبه 24 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 599

فايده- [10/1]

سؤال ائتديلر شيخ حضرتينه بو آيتدن كي:

«فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ»[1]

يعني:«اهل ذكر كيمدير» دئديلر.

شيخ - قدّس سرّه - بويوردو كي:«اهل ذكر، اهل لا اله الا الله دير. اما، مجرد دئمكله دگيلدير. بلكه لا اله الا الله بيلمك گرك نه دئمك اولور؟ يعني بو صيفتله موضوفدور. يعني معناسين بيلور اول كيمسه‌لر، الله تعالي‌نين اسرار خزينه‌سينه الي يئتميش اولور. چون كي آنلار اهل اولدولار، آنلاردان سؤال ائده‌لر اگر بيلمزلر ايسه حق تعالي دان اؤگره‌نه‌لر و بونلارا جواب وئره‌لر.»

بئيت:

مخزن گنج رموز قدس چون دست آورد،

ترجمان دفترِ اسرارِ هر معني شود.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 642

فايده- [4/1]

سؤال ائتديلر شيخ حضرتينه اوشبو آيتدن كي:

«يا اَيَّتها النَّفس المُطمَئنةُ اِرجِعي الي ربّكِ راضيةً مرضيةً فَادخُلي في عِبادي و ادْخُلي جَنَّتي».[1]

شول جنت كي حق تعالي، يا مضاف اولموشدور، نه جنت دير. دئديلر.

شيخ - قدس سرّه- جواب بويوردو كي نفس مطمئنه‌نين ايكي صفاتي واردير، بيريسينه «صيفت راضيه» دئيرلر و بيريسينه «صيفت مرضيه» دئيرلر. و جنت داخي ايكي نوعدور: خاصدير و عامدير. جنت عام، اولدور كي آندا يئمك - ايچمك و شهوت وار اولا. اول، عام قوللار ايچوندور كي آنا مستحق اولدولار. اما جنت خاص، اولدور كي حق تعالي‌نين ذاتينا منسوبدور و «اُدخلي جنّتي» دئدوگي اولدور. اول، خاص قوللار ايچوندور. اول، لقادير، وصالدير، مشاهده‌دير. آنده‌ يئمك- ايچمك اولماز.

بئيت:

نِهاية آمالي لِقاؤُكَ جنَّة،

هنئاً لاَربابِ النَّعيم نعيمُها.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,صفوة,الصفا,صفوة الصفا,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : صفوة الصفا, | بازدید : 876

«ابن بزاز اردبيلي» لقبي ايله تانينان اردبيللي بزاز اسماعيل اوغلو توكل، سلطان شيخ صفي اردبيلي‌نين اوغلو، شيخ صدر الدين اردبيلي‌نين امري ايله، قارا مجموعه كيتابيندان استفاده ائدرك فارس ديلينده، صفوة الصّفا آدلي اثر يازير. او، بو اثرين تأليفينده، قارا مجموعه‌دن علاوه، شيخ صدر الدين و باشقا عارفلرين ديليندن نقل اولان حكايه‌لري گتيرير، همده اؤزونون جوانليغيندا، شيخ صفي‌ني گؤرموش اولدوغو ايچون، چاليشير كي آلديغي شيفاهي قئيدلري و توركجه روايتلري و هابئله يازيلي توركجه متنلري، دقّتله فارس ديلينه چئويرسين. او، كيتابيني هيجري 760 نجي ايلده قورتارميشدير و تئزليگه، فارسجا اوخويانلارين استفاده‌سي ايچون، بير چوخ نسخه‌لر ياييلميشدير.

ابن بزاز اردبيلي‌نين صفوة الصّفا اثري، فارسجا يازيلان تذكرة الاوليا، اسرارالتوحيد و مناقب العارفين كيمي اثرلره بنزه‌مير. صفوة الصّفانين قورولوشو، بابلارا بؤلونمه‌سي و نثر شيوه‌سي تماميله بونلاردان فرقليدير. اونون‌دا سببي آيديندير: ابن بزاز اردبيلي توركجه يازيلان قارا مجموعه‌ني و شيفاهي روايت اولونان توركجه خاطيره‌لري ترجمه ائدير. اثري تام توركجه فتوت نامه‌لر و منقبه‌لر اساسيندا قورموشدور.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,کؤنول,رساله‌سی,صفوة الصفا,صفوة,الصفا,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : کؤنول رساله‌سی, | بازدید : 673

«قايغوسوز» تخلّصو ايله شيعه توركلر آراسيندا و قيزيلباشلار، بكتاشيلر و بو كيمي طريقتلره داخيل چوخلو عارف شاعرلر و منقبه توپلايانلار اولموشدور. تقديم ائتديگيميز «قايغوسوزون كؤنول رساله»‌سيني، بير قارا مجموعه بؤلومو اولاراق، مرحوم فاخر ايزين اسكي تورك ادبياتيندا نثر اثري‌نين ديني متنلر بؤلوموندن آلديق. او مرحوم، بو اثري آنكارا عمومي كيتابخاناسي‌نين 169 سايلي اليازما مجموعه‌سيندن آلميدشدير (ص 10- 127).

بو اثرين اوللرينده، رساله‌نين آدي قارا مجموعه آدلانير و گؤزلجه‌سينه مراعات نظير صنعتي ايله اثرين آدينا اشاره اولونور. بورادان‌دا ثبوت ائتمك اولار كه قارا مجموعه مختليف مريدلر طرفيندن يازيلان «ادب تركان» كيتابلارينا دئييلرميش و هاميسي شيخ صفي‌يه منسوب و يا اونون ديليندن ايميشلر، اصلينده‌ده قارا مجموعه شيخ صفي الدين اردبيلي‌نين اؤز تأليفي اولماليدير، و لاكين اونون اساس و اصيل متنيني تاپماق حله‌ليك ممكون اولماميشدير.

شيخ صفي آيدير: «سؤزون اصلي کؤنول دور. هر کيم کؤنول بحرينه يول بولدو، نه دئر ايسترسه، داليب چيخاردي. اونلار کيم صورته باخدي، غفلت ايپين بوينونا تاخدي، طاعت خرمنين اودا ياخدي. دوخاني گؤيلره چيخدي. زيرا کؤنولو، حق کندي ايچون ياراتدي. «هر کيم مني ايسترسه، سينيق کؤنوللر ايچره بولسون».

هر کيم کؤنوله يول بولمادي، ايسته ديگي نسنه يي اوندا داهي بولمادي، اوچماغا داها گيرمه دي، پادشاه ديدارين داهي گؤرمه دي.

غافيل اولما! کؤنوله يول بولان کيشي يه قول اولان، مجنون دگيلدير. اگر اول سني قوللوغا قبول ائدرسه، زهي دولت!.

پس ايندي اونون کيم کؤنولدن خبري اولمايا، قاميشي شکردن آييرميش اولا. من اونا نه دئييم؟ اول، نه آنلايا؟ زيرا اؤيودو اهلينه دئمک گرک دير. «دُرّي صدفده، نافه ني آهوده گؤرون» دئميشلر.

برچسب ها : شناختنامه,شیخ,صفی,الدین,اردبیلی,بر اساس,پژوهشهای,دکتر,حسین,محمدزاده,صدیق,دوزگون,تحقیقات,دکتر حسین محمدزاده صدیق دوزگون,پیرامون شیخ صفی الدین اردبیلی,شناختنامه شیخ صفی الدین اردبیلی,قارا مجموعه شیخ صفی الدین,قارا,مجموعه,کؤنول,رساله‌سی,
ارسال در تاريخ سه شنبه 18 مهر 1391 توسط دکتر صدیق. ارسال: سید احسان شکرخدایی
موضوع : مصاحبه‌های استاد, | بازدید : 689

اخيراً مشاهده شد كه شخصي با امضاي «ايوب جهانبگلو» (كه احتمالا اسم مستعار و ساختگي است) در مقاله‌اي ادعا كرده است كه كتاب «قارا مجموعه» از طرف استاد دكتر حسين محمدزاده صديق، جعل شده است. بعضي از نشريات و وبلاگ‌هاي دنياي مجازي نيز اين مقاله را با عناوين مختلف، كراراً انتشار مي‌دهند و مسبب جسارت و نسبت‌هاي ناروايي به استاد ادب و عرفان ما مي‌شوند. در همين راستا، به حضور استاد رسيده، سؤالاتي در اين باب از ايشان كرديم. استاد با گشاده‌رويي مثل هميشه پرسش‌هاي ما را پاسخ گفتند.

مهندس سيد احسان شكرخدا

مهرماه ۱۳۹۱

http://ehsanshokr.blogfa.com

سوال اول : ماهيت ساختاري كتاب «قارا مجموعه» كه انتشار داده‌ايد چيست؟

جواب : كتاب «قارا مجموعه» كه گردآورنده و تدوين كننده‌ي آن من هستم، در سال 1380 براي اولين بار چاپ شد و همان گونه كه بر روي جلد و صفحه‌ي عنوان و صفحه‌ي شناسنامه‌ي آن تاكيد شده است، من گردآورنده‌ي مطالب اين كتاب هستم و همه‌ي مطالب آن منسوب به سلطان شيخ صفي الدين اردبيلي است و در هر بخش، منبع نسخه یا نسخه‌های خطی مربوط به آن را با مشخصات کامل ذکر کرده‌ام.

برچسب ها : شیخ صفی الدین اردبیلی به روایت دکتر صدیق,شناختنامه شیخ صفی الدین در پژوهشهای دکتر حسین محمدزاده صدیق, قارا مجموعه و تدوین دکتر حسین محمدزاده صدیق, شیخ صفی الدین اردبیلی از دیدگاه حسین محمدزاده صدیق,شیخ صفی الدینین مزکی النفوس رساله‌سی,پاسخ به شائبه‌های مغرضان درباره قارا مجموعه شیخ صفی الدین,پاسخ دکتر محمدزاده صدیق به منکران قارا مجموعه شیخ صفی,پاسخ به منکران قارا مجموعه شیخ صفی, ایوب جهانبگلو,
ارسال در تاريخ دوشنبه 10 مهر 1391 توسط دکتر صدیق. ارسال: سید احسان شکرخدایی
موضوع : | بازدید : 489

1- 7- 7. حكايت

شيخ ذوالنون مصري‌نين - رحمة الله عليه- بير مريدي، ايشينده عاجز قالدي و متحير اولدو. فقيرليك غلبه ائتدي، نئجه ائده‌سيني بيلمه‌دي. اوغلانجيقلاري داهي وارايدي. گلدي، شيخه آيدير:«سلطانيم! شو[نو] من نئجه ائده‌ييم؟ حاليم نه اولاساردير؟ جماعتيم آجليقدان بوكولدولر و يالينجيليقدان خئيلي زحمت چكيرلر. ايشيم- گوجوم كئچمز، منه‌نه بويوروروسوز؟» دئدي.

شيخ اونا قاقياراق آيدير:

«- وار، اوخ- ياي آل، بير دربنده اوتور، حراميليك ائيله!» دئر.

در حال، درويش دورو گئتدي، ائوينه گلدي. ائوينده بولدوغو اسگيجه‌لردن ساتدي، بير قاچ آغچا ائيله‌دي، واردي اوخا- يايا وئردي.

واردي بير دربنده اوتوردو، يولا باخير كيم حال نه اولا؟ ناگاه بير بؤلوك حراميلر چيخاگلديلر، مني بو آرادا گؤردولر، آييتديلار:

«- نه كيشي سن؟»

درويش آيدير:«- حرامي‌يم، أوش يول اؤيرت كيم منه بير آدم اليمه گيره، سويام.»

پس درويشليكده يالان سؤيله‌مك يوخدور، راست سؤيله‌دي.

بو حراميلرين اولولاري آيدير:

«- أوش! بيز داهي بير نئچه حراميلريز، بير بؤيوك بازرگانلار گلير، جوسته‌له‌ديك»[1]

اوش گلديلر، دربنده گيرديلر، «بير طرفه سن داهي دور، نه دنلي هُنرين وارسا، ايشله، هم بيزه اولسون، هم سنه اولسون.» دئديلر.

اونو، داهي بير طرفه قاوديلار. بير آزدان، بير بؤلوك بازرگانلار گلديلر. بو حراميلر داهي بونلاري گؤردولر. دؤرد ياندان سه‌ييرتديلر، اوخ اوردولار، جنگ ائتديلر، بو بازرگانلاري توتدولار، اللريني باغلاديلار، هپ قوماشلاريني آلديلار، بير آرايا جمع ائيله‌ديلر.

برچسب ها : شیخ صفی الدین اردبیلی به روایت دکتر صدیق,شناختنامه شیخ صفی الدین در پژوهشهای دکتر حسین محمدزاده صدیق, قارا مجموعه و تدوین دکتر حسین محمدزاده صدیق, شیخ صفی الدین اردبیلی از دیدگاه حسین محمدزاده صدیق,شیخ صفی الدینین مزکی النفوس رساله‌سی,شیخ صفی الدین در تحقیقات حسین محمدزاده صدیق,دکتر حسین محمدزاده صدیق و قارا مجموعه کیتابی,قارا مجموعه اثر شیخ صفی الدین,شیخ صفی الدین از دیدگاه دکتر حسین محمدزاده صدیق,
ارسال در تاريخ شنبه 8 مهر 1391 توسط دکتر صدیق. ارسال: سید احسان شکرخدایی
موضوع : مزکی النفوس رساله‌سی, | بازدید : 537

6- 7. عُزلتين فايدالاري

بيلگيل ايندي، اي عزيز قارداش! كيشي بو خلقدن عزلت ائديب كسيلمه‌يينجه، ديليني، دينيني، قارنيني، گؤزونو و بو يئددي اعضاسيني ساخلاياماز. زيرا بو جميع اعضالاري شرّه ايلتمگه[1] سبب بو خلق‌دير. هاچان بير كيشي بو خلقه قاريشسا، البته بو خلقه اويماق[2] لازم گلر. اگر اويماييب، مخاليفت ائدرسن، سنه دوشمان اولورلار. سنه راحت گؤسترمزلر. سني اينجيدرلر. ائله اولسا، بونلاردان عُزلت گركدير.

و هم، نئچه دورلو آفتلر بو خلقه قاريشماقدان گلر. بعضي عارفلر دئميشلر دير كيم بو خلقه مصاحيب اولماق، همان اود ايله مصاحيب اولماق گيبي‌دير. پس، بو اوددان كيشي منفعت‌لنمك گركدير.

اما كه، حذر ائتمك گركدير كيم بو اود، كندويي يانديرمايا.

قارداش! غيبت اختلاط‌دير، ريا اختلاط دير. يعني خلقه قاريشماقدير. يالانچيليق اختلاط دير. تكبّر، حسد، نفاق اختلاط دير. داهي نه دنلي ياراماز فعل وار ايسه، هپ اختلاط‌دا‌دير.

پس، عزلت سلامتليق دير. كيشي خلوتده اوتورسا، نئجه مولا ايله معامله‌يه يول بولماز. خصوصاً كيم بو شيمديكي زاماندا، بو شيمديكي زامانين قووموندان عزلت ائتمك البته گركدير.

شول حديث ايله كيم رسول حضرتلري – عليه السلام- بويورموشدور:«. . . آخر بير زامان گله كيم، ضعيف اوزره اولا اسلام، ايمان. واعظ‌لر چوخ اولا، دونيا ايچون وعظ ائده‌لر، بولدوقلارين سؤيليه‌لر، تانريا و رسولونا بهتان ائده‌لر. يعني تانريا و رسولونا بهتان ائديب، اسناد ائديب سؤزلر سؤيليه‌لر. اول زامانين عاليملري آز اولا، اول ظاليملري دفع ائتميه. كندي [لري] منبره چيخيب ائتديكلري ايچون اونلار داهي دينميه‌لر. ديلنچيلري[3] چوخ اولا،‌ وئريجيلري آز اولا. ائله اولسا، اول زامان كيم ايريشسه، زنهار اونلارا قاريشمينيز، اونلاردان عزلت ائدينيز.»

برچسب ها : شیخ صفی الدین اردبیلی به روایت دکتر صدیق,شناختنامه شیخ صفی الدین در پژوهشهای دکتر حسین محمدزاده صدیق, قارا مجموعه و تدوین دکتر حسین محمدزاده صدیق, شیخ صفی الدین اردبیلی از دیدگاه حسین محمدزاده صدیق,شیخ صفی الدینین مزکی النفوس رساله‌سی,شیخ صفی الدین در تحقیقات حسین محمدزاده صدیق,دکتر حسین محمدزاده صدیق و قارا مجموعه کیتابی,قارا مجموعه اثر شیخ صفی الدین,شیخ صفی الدین از دیدگاه دکتر حسین محمدزاده صدیق,
ارسال در تاريخ شنبه 8 مهر 1391 توسط دکتر صدیق. ارسال: سید احسان شکرخدایی
صفحه قبل 1 2 3 صفحه بعد